خان ننه حاياندا قالدين
بئله باشيوا دولانيم
نئجه من سني ايتيرديم ؟
دا سنين تايين تاپيلماز
...                                                                 
سن اولن گون عمه گلدي
مني گه تدي آيري کنده
من اوشاق نه آنييايديم ؟
باشيمي قاتيب اوشاقلار
نئچه گون من اوردا قالديم
...
قاييديب گلنده ، باخديم
نه اؤزون ،ونه يئرين وار
حاني خان ننه م ؟ سوروشدوم
دئديله ر کي :خان ننه ني
آپاريبلا کربلايه
...
کي شفاسين اوردان آلسين
سفري اوزون سفردير
بير ايکي ايل چکر گلينجه
نئجه آغلارام يانيخلي
نئچه گون ائله چيغيرديم
کي سه سيم سينه م توتولدي
...
او من اولماسام يانيندا
ازو هئچ يئره گئده نمه ز
بو سفر نولوبدو من سيز
ازي تک قويوب گئديبدي ؟
...
حاميدان آجيغ ائده رکه ن
حامييا آجيخلي باخديم
سونرا باشلاديم کي : من ده
گئديره م اونون دالينجا
...
دئديله ر سنين کي تئزدي
امامين مزاري اوسته
اوشاغي آپارماغ اولماز
سن اوخي قرآني تئز چيخ
سن اوني چيخينجا بلکه
گه له خان ننه ن سفرده ن
...
ته له سيک راوانلاماقدا
اوخويوب قرآني چيخديم
کي يازيم سنه : گه ل ايندي
داحا چيخميشام قرآني
منه سووقه ت آل گلنده
آما هر کاغاذ يازاندا
آقامين گؤزو دولاردي
سنده کي گليب چيخمادين
نئچه ايل بو اينتيظارلا
گونو ، هفته ني سايارديم
تا ياواش ياواش گؤز آچديم
آنلاديم کي سن اؤلوبسه ن
...
بيله بيلميه هنوزدا
اوره گيمده بير ايتيک وار
گؤزوم آختارار هميشه
نه ياماندي بو ايتيکله ر
...
خان ننه جانيم ، نولئيدي
سني بيرده من تاپايديم
او آياقلار اوسته ، بيرده
دؤشه نيب بير آغلايايديم

قولي حلقه سالميش ايپ ته ک
او آياغي باغلايايديم
کي داحا گئده نمييئيدين
...
گئجه له ر ياتاندا ، سن ده
مني قوينووا آلاردين
نئجه باغريوا باساردين
قولون اوسته گاه سالاردين
...
آجي دونياني آتارکه ن
ايکيميز شيرين ياتارديق
يوخودا لولي آتارکن
سني من به له شديره رديم
گئجه لي ، سو قيزديراردي
اؤزووي تميزله يه ردين
گئنه ده مني اؤپه ردين
هئچ منه آجيقلامازدين
...
ساواشان منه کيم اولسون
سن منه حاوار دوراردين
مني ، سن آنام دؤيه نده
قاپيب آرادان چيخاردين
...
ائله ايستيليک او ايسته ک
داحا کيمسه ده اولورمو؟
اوره گيم دئيير کي : يوخ يوخ
او ده رين صفالي ايسته ک
سنيله گئديب توکه ندي
... خان ننه ، اؤزون دئييردين
کي : سنه بهشتده الله
وئره جه ک نه ايستييورسه ن
بو سؤزون ياديندا قالسين
قولونو اؤزون وئريبسه ن
...
ائله بير گونوم اولورسا
بيليسه ن نه ايسته ره م من ؟
سؤزومه سدرست قولاق وئر ( سه ن ايلن اوشاقليق عهدين )
...
خان ننه آمان ، نولئيدي
بير اوشاقليقي تاپايديم
بير ده من سنه چاتايديم
سنيله ن قوجاقلاشايديم
سه نيله ن بير آغلاشايديم                      
يئنيده اوشاق اولورکه ن
قوجاغوندا بير ياتايديم
ائله بير بهشت اولورسا
داحا من اؤز الله هيمدان
باشقا بير سئي ايسته مه ز ديم                   محمدحسین شهریار  ۱۳۶۵  یازی